Era Anies, Warga Jakarta Dimanjakan, Warga kalo mau ngaduin ape-ape bise sambil rebahan, Tinggal klak-klik lapor

Oleh: Aisha Rara (Warga Jakarta)

Pas aye ngadu banyaknya terduga telor uler di bantaran Ciliwung saat pergantian musim sampe beberapa nyelinap di taneman aye, aye ngadu sore lantas malem harinye langsung ditanganin.

Pas aye ngadu pinggiran kali berantakan, besokannye dateng tim oren buat mangkas tuh pohon-pohon liar. Semua jadi rapi jali enak dipandang.

Pas aye koar-koar di sosmed tentang kelemahan sistem JAKI terkait gak update-nye data dan tempat vaksinasi, Masyaallah... banyak banget yang nelpon aye buat ngejelasin ini itu sambil ngebisikin laen kali kalo mau ngadu atau nyari info lewat JAKI jangan pas hari minggu. Slowres banget. 🤣

Dan beneran, pas hari Senen-nye tuh data langsung lengkap. Ampe semua kecamatan aye cek update semua. 🤣🤣🤣

Oh, iye. Pas tim kite masang spanduk di fasum terus ade warga yang gak suka dan ngaduin lewat JAKI, kite langsung dapet warning. Ditelpon suruh ngelepas tuh spanduk hari itu jugak. Darimane tuh petugas tauk kalo spanduknye kite yang pasang? Ye dari cctv jalanan. 

Huasyemmm! Giliran begini kagak modar tuh cctv. 😅

Apakah itu semua terjadi karena aye orang penting?! Jelas, bukannnn sodare-sodare.

Itu semua terjadi karena aye WARGA JAKARTA. 

Warga kota manja yang lapangan badminton becek ajeh pake ngadu terus minta buruan dikeringin ame PPSU (Penanganan Prasarana & Sarana Umum). Dan herannye diturutin lagi. 🙈

Warga kota yang gak perlu bayar PBB tiap tahun. Mau punye rumah di Jakarta sebanyak ape jugak kalo "pinter" mecah sertifikat dan masing-masing bangunan NJOP ternilai di bawah 2M, seumur idup gak perlu bayar PBB.

Warga kota yang pas pandemi kemaren, mau yang kaya atau yang miskin kalo di dalem rumahnye ade pelajar langsung dapet fasilitas kuota gratis 55GB sebulan dari Pemda. Iye, lu pade gak salah baca dan aye gak salah ngetik. Lima puluh lima GB. Gak abis buat belajar pade dipake maen games, dah! 🙄

Warga kota yang cukup ngeluarin duit 3500 perak bise keliling kota. Turun dari kereta atau busway nyambung angkot ke tempat tujuan gak perlu bayar lagi. Jak Lingko gitu loh. Dan ini bise dinikmatin semua warga Indonesia yang lagi pelesir ke Jakarta. Tinggal nebus Jakcard 20rebo, dapet saldo awal 15rebo, seumur idup bise dipake. Mau masup museum, tempat rekreasi, naek transportasi umum tinggal setor kartu. Top-up juga murah meriah dan gak ade angus-angusan. 

Jakcard tuh kekurangan cuman atu. Gak bise dimiscall dan ngingetin pengguna untuk selalu dibawa. 😤 

Aye punye Jakcard banyakkkkk. Kenape? Karena saban kalik mau halan-halan terus tuker tas mau tuh kartu lupa dipindahin. Jadi gak kebawa, deh. 🙄

Warga kota yang kalo mau ngaduin ape-ape bise sambil rebahan. Tinggal klak-klik lapor, pantau penanganan. Kalo lama lapor berulang-ulang sampe seharian biar admin kesel juga boleh. Kagak usah ke luar rumah, ongkosan ke balai kota dan kena resiko dijudesin. 

Tapi itu pas jaman Anies, sih.
Auk deh kalo sekarang.

Akankah kemanjaan warga Jakarta akan dirampas?
Hixz, gak berani ngebayanginnye. 

Orang mah kalo baru dilantik tuh ambil simpati warga, bukan malah ngejilat atasan!
Gak ngerti, deh kemane pikirannye!

Ttd. 

Aisha Rara
Malah jadi kuatir bin was-was aye, tuh. 😓

*fb