Posisi Gubernur karena hadiah gak osah banyakan ngomong, dah!

Jakarta yang sekarang sebenernye kalopun terjadi vacum of power sampe 2024 kayaknye gak masalah. Pan ade walikota juga berlima. Jadi gak butuh-butuh amat lah sama yang namanye peje-pejean. 🙄 

Jadi siapepun yang dapet posisi gubernur karena hadiah gak osah banyakan ngomong, dah! Buktiin ajeh kalo emang bise kerja!

Buat pendukungnye jugak gak usah sesumbar. Apelagi yang di Jakarta cuman numpang lewat, numpang nyari duit, numpang piknik, bukan warga atau liat Jakarta dari tipi dan sosmed doang. 

Kesel aye liat rang Medan, Makasar, Sorong, Salatiga, atau mane lah sok-sokan ngomong Jakarta acak-acakan dan mohon-mohon si Heru buat beresin. Tapi pas ditanya udeh pernah ke Jakarta ape belum? Ditanya udeh liat penampakan asli kali ciliwung, kanal timur, kanal barat, jalur sepeda, jalan protokol atau liat Monas langsung deh malah pade kicep. Berdalih sok-sokan peduli ame ibukota negara.

Woiii, hantu blauk!
UU IKN tuh udeh disahin, yeee. 
Jadi Ibukota udeh resmi mo pindah, uk...
Mulain dah geser dikit otak ame palelu ke Kalimantan Timur sonoh!
Liatin noh proses pembangunannye.
Jangan berendem dalem aer mlulu tuh pala.
Blubuk-blubuk pan jadinye! 🙄

(Aisha Rara, warga asli Betawi)

*fb

Baca juga :