Ulah Selebgram Udik 'Barbie Aceh'

Turut bersimpati kepada Mbak barista sbux yang kabarnye jadi dipecat gegara ulah selebgram udik.

Ya Allah, ginihari nyari kerjaan lagi susah. Kalo ade yang salah-salah dikit mah cukup diingetin. Jangan langsung dihukum, diaduin, diviralin yang akibatnye bisa bikin orang kehilangan mata pencaharian. Even cuman mau ngasih bintang atu ke driver ojek online ajeh tuh kudu ditahannn biar sekesel apapun. Sabarrr. Masalah gede dikecilin, masalah kecil ye pinggirin ajeh. Lagi banyak orang yang idupnye belon membaik.

Jangan mentang-mentang kite merasa kuat, punye followers banyak, dianggep selebgram terus jadi semena-mena ame orang lain. Ngerasa bebas nginjek-nginjek orang laen seenak udel. Ujungnye tuh kejelekan bakal balik mampir sendiri ke diri kite.

Mau tampang kite secakep apapun, mau harta kite sebanyak apapun, mau kedudukan kite se-ngetop gimanapun, akhlak tetep yang utama. Money tuh gak bisa buy your class!

Apelagi kalo ternyata orangnye kagak salah ape-ape. Dosaaa kite. Dzholim itungannye. Astaghfirullah.

Baek video yang disebar sendiri ame si seleb Herlin Kenza 'Barbie Aceh' yang ngerasa cakep sundul langit ataupun CCTV dan kesaksian orang+orang yang berada di lokasi, membuktikan kalo orang yang udeh dijatuhin marwahnye sama si barbie kw tuh gak bersalah.

Mbak Herlin kalo kagak ngarti cara mesen minuman di sbux ye tanya dunk. Atau googling dulu. Biar gak maen ngamuk pas abis bayar langsung disuruh geser ke meja bar buat ambil minuman.

Bukan cuman di sbux yang begini, Mbak. Mbak-nye kalo beli chatime, gulu-gulu, dung-dung, dll juga abis bayar pasti disuruh geser ke area laen buat ambil pesenan. Bukan diem ngejedog di depan kasir dan bikin orang laen laen yang mau pesen ngantri.

Ye kalik kalo di mekdi atau kfc mbak bisa begitu karena mereka fast food yang tinggal comot-comot pesenen yang udeh jadi. Nih kan minumannye kudu dibuatin dulu. Mangkanye yang udeh pesen dan bayar di kasir kudu geser dulu atau duduk dulu sampe namanye dipanggil. Maklum, Barista sbux bukannye Jinny Oh Jinny yang sekali ngedip bisa ngasih si Bagus minuman, bakso, bala-bala, perkedel jagung ame tumis oncom. Parah luh!

Lagian tibang dibilang: "Ada lagi yang bisa saya bantu? Kalau tidak ada silahkan bergeser ya!"

Eh, Mbak barbie langsung tersinggung. Segala pake ngomong: "Kamu gak kenal siapa saya ya? Saya viralin kamu!"

Duilehhhh. Senggol bacok amat jadi perempuan. Berase ratu sejagad! Yang artis beneran ajeh gak gitu-gitu amat, dah. Mbak yang cuman selebgram tingkat kabupaten koq bertingkah. Apa mbak lagi gegar budaya pas dateng ke kota? 🙄

Disini mah, mau mbak seleb beneran, selebgram, selebkilo ato selebcentimeter kalo mau ape-ape kudu ikutin aturan. Gak ade tuh orang biase kudu ngangguk-ngangguk, minggir-melipur, terus manutin situ! Situ siape?! Kayak penting ajeh idup situ buat kite!

Sekarang barista sbux-nye udeh keburu dipecat, terus Mbak-nye dibully sejagad medsos. Tapi bukannye minta maap malah playing victims. Nganggep kalo yang mbak lakuin tuh wajar, gak salah, ujian mengungkap kebenaran terus pake TAKBIR segala. E bujug! Kebanyakan pake topi miring-miring jadi ikut miring pikirannye kalik. 🙄

Die yang salah, Die yang dzholim, Die yang dibilangin malah joged, melet-melet lidah kayak Kadal dan terus sekarang die yang ngerasa tersakiti dan anggep orang-orang yang mengkritik itu ngiri sama die?! Dih, Menjijikan!!!

Ettdah, pantes dah die ngaku barbie.
Tampang doang cakep tapi otaknye buluk!!! ðŸ˜Ī

Ttd

(Herawati Aisha Rara)
Baca juga :